People’s Alliance for Credible Election (PACE) သည် အစိုးရမဟုတ်သော လွတ်လပ်သည့်ပြည်တွင်း ရွေးကောက်ပွဲ စောင့်ကြည့်လေ့လာသည့် အရပ်ဘက်အဖွဲ့အစည်း ဖြစ်သည်။ ရွေးကောက်ပွဲဖြစ်စဉ်တွင် ပြည်သူ ပြည်သားများ၏ အခွင့်အရေးကို ကာကွယ်ခြင်းနှင့် ကိုယ်တိုင် ပါဝင်လှုပ်ရှားလာရေးတို့ကို မြှင့်တင်ခြင်းဖြင့် မြန်မာနိုင်ငံတွင် ဒီမိုကရေစီအင်စတီကျူးရှင်းများ ပိုမိုအားကောင်းခိုင်မာလာရေးကို ရည်မှန်းကာ ၂၀၁၃ခုနှစ်တွင် ရန်ကုန်မြို့၌ စတင်တည်ထောင်ခဲပါသည်။ ရွေးကောက်ပွဲဖြစ်စဉ် တစ်ခုလုံးကို တစ်စိုက်မတ်မတ်လေ့လာပြီး၊ ရွေးကောက်ပွဲဖြစ်စဉ် ပွင့်လင်းမြင်သာမှု၊ တာဝန်ခံမှုနှင့် ပြည်သူပြည်သား အားလုံးပါဝင်နိုင်မှုအတွက် ရွေးကောက်ပွဲနှင့် ပြည်သူနီတိဆိုင်ရာ အသိပညာပေးလုပ်ငန်းများ၊ ရွေးကောက်ပွဲစောင့်ကြည့်လေ့လာရေးနှင့် ရွေးကောက်ပွဲဆိုင်ရာ ပြုပြင်ပြောင်းလဲရေး တို့ကို အဓိကထားဆောင်ရွက် သွားမည်ဖြစ်သည်။ PACE သည် လူ့အခွင့်အရေးကို တန်ဖိုးထားပြီး လုပ်ငန်းများကို အကောက်အထည်ဖော် ဆောင်ရွက်ရာတွင် အပြည်ပြည်ဆိုင်ရာ လူ့အခွင့်အရေး ကြေညာစာတမ်းပါ ပြဌာန်းချက်များနှင့် အညီ လူမျိုး၊ ဘာသာ၊ ကျား-မ ခွဲခြားမှုမရှိစေပဲ အကောင်အထည်ဖော် ဆောင်ရွက်လျက်ရှိပါသည်။

ထို့အပြင် နိုင်ငံပေါင်း (၇၅) နိုင်ငံမှ ဘက်မလိုက်သည့် ရွေးကောက်ပွဲစောင့်ကြည့်လေ့လာရေးအဖွဲ့ပေါင်း (၁၆၀)က သဘောတူ လက်မှတ်ရေးထိုးထားသည့် ” ဘက်မလိုက်သော ရွေးကောက်ပွဲစောင့်ကြည့်လေ့လာရေးအဖွဲ့များ လိုက်နာရမည့် ကမ္ဘာလုံးဆိုင်ရာ ကြေညာစာတမ်း (Declaration of Global Principles For Nonpartisan Election Observation and Monitoring by Citizen Organizations)” ကို ၂၀၁၄ခုနှစ်တွင် ပါဝင်လက်မှတ်ရေးထိုးထားခဲ့ပါသည်။

ရွေးကောက်ပွဲ စောင့်ကြည့်ခြင်း၊ ရွေးကောက်ပွဲဆိုင်ရာ ဥပဒေမူဘောင်များ ပြုပြင်ပြောင်းလဲရေးနှင့် ပြည်သူ့နီတိ သင်တန်းများ ပို့ချခြင်း စသည့်အစီအစဉ်များကို အကောင်အထည်ဖော်ခြင်းဖြင့် လွတ်လပ်စွာ မဲပေးပိုင်ခွင့်နှင့် အရွေးချယ်ခံပိုင်ခွင့် စသည့်နိုင်ငံသားများ၏ နိုင်ငံရေးအခွင့်အရေးများနှင့် ပြည်သူ့အခွင့်အရေးများကို ကာကွယ်မြှင့်တင်ရန် ရည်မှန်းထားသည်။

PACE သည်နိုင်ငံသားအခွင့်အရေး ပြည့်ဝစွာရရှိရေးနှင့် ပွင့်လင်းမြင်သာ၍ တာဝန်ခံမှုရှိသော ရွေးကောက်ပွဲများ ပေါ်ပေါက်စေရန်အတွက် အောက်ပါ ကဏ္ဍများတွင် လုပ်ကိုင်လျက်ရှိပါသည်။

နိုင်ငံသားများ၏ ပြည်တွင်းရွေးကောက်ပွဲ စောင့်ကြည့်အကဲခတ်ရေးလုပ်ငန်းစဉ်များ။

PACE အဖွဲ့အနေဖြင့် မြန်မာနိုင်ငံ၏ ရွေးကောက်ပွဲဖြစ်စဉ်ကို ပိုမိုပွင့်လင်မြင်သာမှုရှိပြီး ကောင်းစွာ ဖွံ့ဖြိုးတိုးတက်စေရန်အတွက် အပြုသဘောဆောင်ပြီး လက်တွေ့ကျသော အချက်အလက်ခိုင်မာသည့် အကြံပြုချက်များကို ပေးနိုင်ရန်အတွက် ၂၀၁၅ အထွေထွေရွေးကောက်ပွဲမှ စတင်၍ ပြည်တွင်းရွေးကောက်ပွဲ စောင့်ကြည့်လေ့လာခြင်း လုပ်ငန်းများအား နိုင်ငံသားများ၏ပူပေါင်းပါဝင်မှု နှင့်အတူစောင့်ကြည့်လေ့လာ လျှက်ရှိပါသည်။ PACE အဖွဲ့အနေဖြင့် ၂၀၁၅ အထွေထွေရွေးကောက်ပွဲ နှင့် ၂၀၁၇ ခုနှစ်ကြားဖြတ်ရွေးကောက်ပွဲ များကို စေတနာဝန်ထမ်း လုပ်အားပေး ပြည်သူများနှင့်အတူ စနစ်တကျနည်းစနစ်အသုံးပြုကာ စောင့်ကြည့်လေ့လာခဲပြီး ဆက်လက်၍လည်း လာမည့်ရွေးကောက်ပွဲများကို တိကျသေချာသောနည်းစနစ်များသုံးကာ စောင့်ကြည့်လေ့လာသွားမည်ဖြစ်သည်။ ပြည်တွင်းရွေးကောက်ပွဲစောင့်ကြည့်လေ့လာခြင်း၏ အဓိကရည်ရွယ်ချက်မှာစနစ်တကျစောင့်ကြည့်လေ့လာခြင်းမှ ရရှိသောအထောက်အထားခိုင်မာသည့် တွေ့ရှိချက်များကို အခြေခံသည့် အကြံပြုချက်များမှတစ်ဆင့် ရွေးကောက်ပွဲဖြစ်စဉ်အား ရေရှည်တည်တံ့ခိုင်မာပြီး ဒီမိုကရေစီစံနှုန်းများနှင့်ကိုညီလာစေရန် ရွေးကောက်ပွဲဖြစ်စဉ် ပြုပြင်ပြောင်းလဲရေးဆောင်ရွက်နိုင်ရန်ဖြစ်သည်။ ထို့ပြင် နိုင်ငံသားများမှ ရွေးကောက်ပွဲများကို ကိုယ်တိုင်စောင့်ကြည့်လေ့လာခြင်းအားဖြင့် ဒီမိုကရေစီစနစ်ဖွံ့ဖြိုးတိုးတက်ရေးကို လုပ်ဆောင်ရာတွင် နိုင်ငံသားများအနေဖြင့် တစ်ထောင့်တစ်နေရမှပါဝင်ဆောင်ရွက်နိုင်ရန် အခွင့်အရေး တစ်ရပ်ဖန်းတီးခြင်းလည်းဖြစ်ပါသည်။

နိင်ငံသားအခွင့်အရေးနှင့်တာဝန်ပညာပေးလုပ်ငန်းများ (ပြည်သူ့နီတိသင်တန်း)

PACE အဖွဲ့သည် ပြည်သူလူထုအား နိင်ငံသားအခွင့်အရေးနှင့်တာဝန်များကို သိရှိနာလည်းမှုမြင်မားလာစေရန် ပြည်သူ့နီတိသင်တန်း များအား အခါအားလျှော်စွာ ကျင်းပလျှက်ရှိပါသည်။ PACE အဖွဲ့အနေဖြင့် သမားရိုးကျ သင်တန်းများပေးခြင်းထက် ပြည်သူများအနေဖြင့် ကိုယ်တိုင်နိုင်ငံရေးဖြစ်စဉ်တွင် ပါဝင်၍ မိမိတို့ နှင့်သက်ဆိုင်သည့်ကိစ္စရပ်များတွင် ဆုံးဖြတ်ချက်များချနိုင်ရန် လက်ရှိနိုင်ငံရေးအခင်းအကျင်းအပေါ်လက်တွေ့ကျကျ သုံးသပ်၍ မိမိတို့ ဆောင်ရွက်နိုင်သည့် အခွင့်အရေးများကို သတိပြုမိစေရန် ပူးပေါင်းပါဝင်ဆွေးနွေးအကြံပြုခြင်းများကို အဓိကထား ဆောင်ရွက်လျှက်ရှိပါသည်။ ထိုသို့ဆောင်ရွက်ရာတွင် PACE အဖွဲ့သည် ပြည်သူများအကြား ဒီမိုကရေစီ စံနှုန်းများအပေါ်ပြည်သူများ လက်ခံနိုင်မှုအတိုင်းအတာ မြင့်မားလာစေရန်၊ တာဝန်ယူမှုတာဝန်ခံမှုတို့အား မိမိကိုယ်တိုင် လက်တွေ့ကျင့်သုံးနိုင်ရေးနှင့် အရပ်ဘက်အဖွဲ့အစည်းများ၏ အခန်းကဏ္ဍ ပိုမိုအားကောင်းဖွံဖြိုးလားရေးတို့ ကိုရည်ရွယ်၍ အကောင်အထည်ဖေါ်လျက်ရှိပါသည်။

ရွေးကောက်ပွဲဆိုင်ရမူဘောင်များ၊စည်မျဉ်းစည်းကမ်းများ/လုပ်ထုံးလုပ်နည်းများ ကောင်းမွန်မှန်ကန်ရေးနှင့် ပြုပြင်ပြောင်းလဲရေးလုပ်ငန်း။

PACE အဖွဲသည့် ရွေးကောက်ပွဲစောင့်ကြည့်လေ့လာမှုများ မှတွေ့ရှိချက်များနှင့် လက်ရှိဥပဒေလုပ်ထုံးလုပ်နည်းများ၏ အားနည်းချက်များကို ရှာဖွေဖေါ်ထုတ်၍ ဒီမိုကရေစီနည်းကျသော ရွေးကောက်ပွဲ ဥပဒေမူဘောင်တစ်ခု ပေါ်ထွက်လာစေရန် အခြားသော အရပ်ဘက်အဖွဲ့အစည်းများနှင့်ပူပေါင်းကာ ပြုပြင်​ပြောင်းလဲရေးဖြစ်စဉ်အတွက် ရွေးကောက်ပွဲကော်မရှင်၊ လွတ်တော်များ၊အစိုးရဝန်ကြီးဌာနများ နိင်ငံရေးပါတီများစသော သက်ဆိုင်ရာအဖွဲ့အစည်းများကို အထူးတွန်းအားပေးဆောင် ရွက်လျှက်ရှိပါသည်။ ထိုသို့ဆောင်ရွက်ရာတွင် ပွင်လင်းမြင်သာမှုရှိရေးနှင့် အားလုံးပါဝင်နိုင်ရေးတို့ကို အလေးထားတိုက်တွန်းလျှက်ရှိပြီးဆွေးနွေးပွဲများကျင်းပခြင်း၊ အကြံပြုစာတမ်းများ ထုတ်ပြန်ခြင်း နှင့်သုတေဿနစာတမ်းများထုတ်ပြန်ခြင်းတို့ကို အခါအားလျှော်စွာ ဆောင်ရွက်လျှက်ရိုပါသည်။